Եթե «Ծառուկյան» դաշինքն ու Դաշնակցությունը միաձայն քվեարկեն Նիկոլ Փաշինյանի օգտին, «Ելք»-ի 9 ձայնով հանդերձ, Փաշինյանին անհրաժեշտ կլինի ևս 6 ձայն:
Ազգային ժողովում 31 տեղ ունեցող «Ծառուկյան» խմբակցությունն ու 7 պատգամավորով ներկայացված Դաշնակցությունը այսօր էլ չհստակեցրեցին, թե արդյոք մայիսի 1-ին քվեարկելու են Նիկոլ Փաշինյանի օգտին:
Համաժողովրդական շարժման առաջնորդ Փաշինյանն այսօր հույս էր հայտնել, որ առաջիկայում խորհրդարանական այդ երկու խմբակցությունները կներկայացնեն քվեարկության հարցում իրենց դիրքորոշումը:
Գագիկ Ծառուկյանի խոսնակ Իվետա Տոնոյանի փոխանցմամբ՝ վաղը սպասվում է «Բարգավաճ Հայաստան» կուսակցության առաջնորդի հայտարարությունը։
«Ծառուկյան» խմբակցության քարտուղար Վահե Էնֆիաջյանը լրագրողների հետ զրույցում հայտնել է, որ ԲՀԿ ներկայացուցիչներն ու պատգամավորները այս պահին մասնակցում են համաժողովրդական շարժմանը: Այսօր Երևանից Գյումրի մեկնողներ էլ են եղել, Շիրակի մարզի տարածքային կառույցի ներկայացուցիչները նույնպես, պատգամավորի ձևակերպմամբ, մասնակցում են ընդվզմանը։
Այնուհանդերձ, Էնֆիաջյանը նաև կարծիք է հայտնել, թե Գագիկ Ծառուկյանը վարչապետի շատ լավ թեկնածու է․ – «Բարգավաճ Հայաստան կուսակցության առաջնորդը Գագիկ Ծառուկյանն է, և «Ծառուկյան» խմբակցության ղեկավարը Գագիկ Ծառուկյանն է, ով մեր երկրի տնտեսական, սոցիալական խնդիրներին խորքային ծանոթ է և, բնականաբար, շատ լավ թեկնածու է․․․ Երբ որ կլինի կուսակցության բարձրագույն քաղաքական մարմնի՝ խորհրդի նիստը, մենք մեր որոշումով հանդես կգանք»:
Կարեն Կարապետյանի հետ չկայացած հանդիպումից հետո Փաշինյանին լրագրողներից մեկը հարց էր ուղղվել նաև Գագիկ Ծառուկյանին վարչապետի թեկնածու առաջադրելու հնարավորության մասին:
Փաշինյանը պատասխանել էր․ – «Ես կարծում եմ, տվյալ իրավիճակում ցանկացած քայլ կարժանանա ժողովրդի ճշգրիտ գնահատականին»:
Այսօր նոր նախաձեռնությամբ հանդես եկավ երկու օր առաջ կոալիցիան լքած Դաշնակցությունը՝ առաջարկելով մայիսի 1-ին սպասվող ԱԺ նիստին ընդառաջ խորհրդարանական բոլոր խմբակցությունների մասնակցությամբ ձևավորել միասնական քաղաքական օրակարգ և համաձայնել ժողովրդի վստահությունը վայելող միասնական թեկնածուի շուրջ, ով պետք է «համախոհության հիման վրա ներկայացնի կառավարության համապատասխան կազմ և գործունեության ծրագիր»:
Դաշնակցության Հայաստանի գերագույն մարմնի ներկայացուցիչ Արսեն Համբարձումյանը «Ազատության» հետ զրույցում ասաց․ – «Մեր մոտեցումը հետևյալն է, որ մայիսի 1-ին ընդառաջ պետք է այդ համաձայնությունը կայացվի: Առանց համաձայնեցված մոտեցումների որևէ արդյունք չենք կարող ակնկալել Ազգային ժողովի նիստում»:
Իսկ հարցին, թե արդյոք իրենք թեկնածու առաջարկելու են, Համբարձումյանն արձագանքեց․ – «Քննարկումների ժամանակ մենք մեր մոտեցումների մասին կասենք: Մենք ունենք հստակ մեր պատկերացումը, մեր դիրքորոշումը, բայց նախընտրում են, որ քննարկման առարկա դառնա բոլոր քաղաքական ուժերի մասնակցությամբ: Մենք հավատացած ենք, որ ընդհանուր սեղանի շուրջ հավաքվելու և քննարկելու պարագայում լուծումն անպայման կգտնվի: Մենք ունենք հստակ մեր առաջարկությունների փաթեթը, մեր պատկերացրած ճանապարհային քարտեզը, և կարծում եմ, որ առարկայական քննարկման համար բավարար հիմքեր ունենք»:
Առաջադրման դեպքում, եթե «Ծառուկյան» դաշինքն ու Դաշնակցությունը միաձայն քվեարկեն Նիկոլ Փաշինյանի օգտին, «Ելք»-ի 9 ձայնով հանդերձ, Փաշինյանին անհրաժեշտ կլինի ևս 6 ձայն:
Ի պատասխան հարցին, թե արդյոք ՀՀԿ-ից իրեն միացողներ եղել են, Փաշինյանն այսօր ասել է, թե իր համար քաղաքականությունը հրապարակային գործընթաց է, ուստի եթե չկան հրապարակված անուններ, ուրեմն չկան և միացածներ: Նրա ձևակերպմամբ՝ խոսքը ոչ թե վարչապետի ընտրության կամ պաշտոնակռվի մասին է, այլ Հայաստանում ստեղծված ճգնաժամը լուծելու․ – «Հիմա հազար մարդ կարող է հազար բան ասել խորհրդապահական խողովակներով, բայց քանի դեռ դա գործ չի դարձել, ես որևէ բան չեմ կարող ասել: Ես հույս դնում եմ ժողովրդի դիրքորոշման վրա, որովհետև եթե լինի ժողովրդի զանգվածային ճնշում, այդ հանրապետականները պիտի հաշվի նստեն այդ իրողության հետ: Եթե չլինի դա, իհարկե, չի կարելի որևէ հույս դնել»:
YEREVAN, May 3. /ARKA/. An Armenian airline will be awarded the right to operate flights from Armenia’s second largest town of Gyumri in the northwestern province of Shirak to Tehran, the capital of Iran if talks with Iranian air officials accomplish successfully, the head of the General Department of Civil Aviation of Armenia Sergey Avetisyan told journalists on Wednesday.
Armenia’s general department of civil aviation and Taron-Avia have reached an agreement, according to which the latter will implement flights to and from Gyumri, with its primary operational base at Shirak airport.
YEREVAN. – Pobeda Airlines of Russia will start flights to and from Shirak International Airport in Gyumri, the second largest city of Armenia.
With the support of the Ministry of Culture and at the initiative of the youth culture NGO “Tsiranapogh” September 24-25 of this year Gyumri will host the International Rock Festival “Gyumri RockFest -2016” dedicated to the 25th anniversary of Armenia’s Independence, information and public relations department of the ministry informs.
Arshak Grigoryan, younger son of Vardevan Grigoryan, a candidate at the local elections from the Prosperous Armenia party, has been shot dead in Gyumri.
Project aim 
Famous musician Serj Tankian, who is lead singer of the world-renowned American Armenian rock band System of a Down (SOAD), has joined the ongoing fundraiser to purchase apartments for thirteen homeless families in Gyumri, the second largest city of Armenia.